 Museo de Pontevedra En roda de prensa, a tamén directora desta entidade sinalou que, de seguir esta tendencia, este museo encabezará o ránking de centros máis visitados a final de ano, unha posibilidade factible xa que a maior "competencia" encontraríaa no Museo Catedralicio de Santiago que, segundo aclarou, polo momento ocupa o segundo posto con 89.519 visitas. A diferenza é moito máis ampla co resto de centros de arte de Galicia, como apuntou Pedrosa, quen indicou que o Museo de Arte Contemporáneo de Vigo (Marco), o Centro de Arte Contemporáneo de Santiago e o Museo do Pobo Galego de Santiago teñen menos da metade de visitas e non chegan ás 100.000. Así mesmo, manifestou que as expectativas son "máximas" de cara ao próximo ano Xacobeo, no que, ademais, entrará plenamente en funcionamento o sexto edificio do Museo. As comparacións son favorables ao Museo de Pontevedra noutros ámbitos, xa que, segundo os datos do Observatorio Turístico Rías Baixas, os catro lugares máis visitados de Galicia son a Catedral de Santiago, o Museo de Pontevedra, o monte de Santa Trega e as illas Cíes.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario