 César Mosquera César Mosquera lembrou que o pasado 17 de decembro de 2008, o Pleno da Corporación aprobaba este plan de actuacións e melloras nos barrios, unha proposta bianual (2009-2010) e que recollía unha serie de actuacións das que 43 dependían do Concello (37 están iniciadas), 12 da administración central (6 están iniciadas), e 19 da Xunta de Galicia (6 están iniciadas). Sobre este último dato, o concelleiro nacionalista quixo matizar que das 6 obras iniciada en Pontevedra pola administración autonómica "ningunha foi despois de abril deste ano. É dicir, non se iniciou ningunha coa nova Xunta, máis ben ao contrario, algunha destas seis parouse". "Aínda que o máis normal é que as segundas anualidades sexan as máis investidoras neste tipo de plans, o investimento feito neste ano supón o maior esforzo investidor da historia de Pontevedra nos barrios", afirmou Mosquera, aínda que apuntou que "hai dúas patas que están a faiar", a Xunta de Galicia e a iniciativa privada, "que a consecuencia da crise está a atrasar a posta a disposición de zonas urbanizadas". Con respecto á Xunta de Galicia, César Mosquera asegurou que a día de hoxe descoñécese o futuro de proxectos como a urbanización da PO-531, a reurbanización do campus universitario, o estacionamento de Valdecorvos, a urbanización da estrada a Pontecaldelas, a construción do Colexio de Valdecorvos ou o proxecto de reforma das Corbaceiras.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario