 Marta Fernández Currás Segundo as fontes consultadas, os encontros coas dúas entidades de aforro e os executivos do Banco de España son por separado pero simultáneos no tempo. A Administración galega quere coñecer a opinión de Caixa Galicia, o parecer de Caixanova e o criterio do Banco de España. Iso permitiralle definir cal será o mellor escenario de futuro, sen medo a equivocarse. Núñez Feijóo confirmou esta semana que a Xunta traballa “conxuntamente” co Banco de España. Así, a Administración mantén un “intercambio” de información coas partes involucradas no proceso. “Primarán os intereses de Galicia”, reiteran desde San Caetano. O Executivo galego descarta que estea tomada xa unha decisión definitiva. Aínda que si podería ter unha idea moi aproximada de cal será a saída. Xa ten informes detallados sobre a súa mesa de traballo. A conselleira de Facenda, Marta Fernández Currás, compareceu no Parlamento de Galicia. Explicou “a posición do Goberno galego aspecto da fusión dás caixas de aforros galegas con outras doutros territorios”. A Xunta de Galicia reiterou que a día de hoxe só lle barallan dous escenarios: fusión entre as dúas caixas de aforro galego ou que cada unha siga o seu camiño en solitario. “As opcións son esas”, apuntaron fontes próximas ao proceso. O Goberno galego confirmou que seguen os contactos cos axentes protagonistas para definir o futuro escenario. “Hai un intercambio de información”. A Xunta lembra que o anuncio do novo mapa será anunciado aos protagonistas e á opinión pública cando este sexa xa definitivo. Pola súa banda, o Banco de España reiterou que as caixas de aforro “son os axentes protagonistas” no proceso de reestruturación que vive o sector. E lembrou, en alusión ao caso galego, que “as caixas de aforro serán as que decidan que facer”. Logo, segundo explica o ente que xestiona Miguel Ángel Fernández Ordóñez, “a Administración galega terá que autorizar” a posible operación. E o Goberno galego dará a 'luz verde' desde que conte co “visto e prace do Banco de España”. A autoridade do sistema tamén incide en que pode vetar o proceso “se este non conta cos estándares de solidez”. “É un proceso complicado”, lembra o Banco de España, quen descarta pronunciarse sobre “hipótese ou especulacións”. Do lado das caixas de aforros, o mutismo segue sendo a regra á espera de que a Xunta revele a súa posición. Así, Caixanova reiterou que "non hai comentarios", remarcando que "se estuda todo" en referencia ás distintas vías de concentración aberta para a reordenación do sector. Nesta liña, fontes de Caixa Galicia que "todos os instrumentos que contempla a legalidade están sobre a mesa", aínda que descartaron posicionarse ao entender que "agora mesmo a Xunta é quen ten que dicir algo".
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario