|
A Deputación de Lugo insta á Xunta a apoiar ás cooperativas interesadas na planta de Pascual |
|
|
|
|
miércoles, 28 de octubre de 2009 |
 O presidente da Deputación de Lugo, José Ramón Gómez Besteiro Na proposta aprobada polo Pleno provincial tamén se insta á Xunta de Galicia a proporcionarlle “apoio político e económico” a algunha das propostas presentadas polas cooperativas galegas, unha liderada por Feiraco e a outra pola Arzuana, para recuperar a “plena actividade empresarial e comercial” desta fábrica. O representante legal do cadro de persoal, o avogado laboralista Alberte Xullo Rodríguez Feixóo, confirmou que máis de vinte persoas, das 144 que formaban parte inicialmente da nómina de traballadores da planta de Outeiro de Rei, acolléronse xa ás baixas incentivadas que ofrecía a empresa, que equivalen ao pagamento de 51 días de salario por ano traballado. Entre os empregados que aínda non adoptaron esa decisión a “preocupación” polo seu futuro laboral é cada día máis evidente, polo que iniciaron un novo calendario de mobilizacións, co que pretenden chamar a atención do Goberno galego e da sociedade sobre a súa situación. O pasado luns concentráronse ante o edificio administrativo da Xunta de Galicia en Lugo e cortaron o tráfico na Ronda da Muralla. Teñen previsto desprazarse a Santiago de Compostela para facer o propio ante as sedes das consellerías de Economía e Industria e Medio Rural, a partir das doce e media do mediodía. Pola tarde, desprazaranse ao Parlamento de Galicia, onde o BNG presentará unha pregunta sobre o futuro da fábrica de Outeiro de Rei.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario