A delegada da Xunta en Vigo, Lucía Molares, manifestou a súa "satisfacción" polo preacordo sobre o convenio do sector metalúrxico para a provincia de Pontevedra, se ben confiou en que se sumen as organizacións que non asinaron o preacordo, o sindicato CIG e as patronais Foncalor e Instalectra.

Nunha roda de prensa onde realizou unha valoración dos orzamentos da Xunta para 2010 na área de Vigo, Molares, quen foi parte da mediación no conflito, incidiu na súa satisfacción polo preacordo acadado por tres das cinco patronais (Asime, Atra e Feca) e os sindicatos CC.OO. e UXT, aínda que precisou que sería "óptimo" se o resto de implicados (CIG pola parte sindical e Foncalor e Instalectra por parte dos empresarios) se adhíresen ao acordo definitivo, pendente de asinar.

"Creo que hai tempo para que os que faltan se incorporen", insistiu, para incidir en que recoñecer o "esforzo" realizado por quen pecharon un preacordo que, segundo lembrou, acadouse "tras moitos meses de negociación e conflito".

TrackBack URI para este comentario

Comentarios (0)

RSS feed comentarios

Mostrar/Ocultar formulario de comentario