 Houbo unha concentración de apoio nos xulgados A CIG negouse a asinar, xa que, se trata da mesma proposta que foi presentada polos mediadores en xuño, no decimoterceiro dia de folga, e que daquela fora rexeitada polo conxunto dos traballadores/as do sector. Xuizo a traballadores O 21 de outubro tiña lugar a terceira xornada do macroxuízo contra trece traballadores do Metal, que no 2006 se mobilizaron pola negociación do convenio. Desta volta foi a quenda das testemuñas aportadas polos acusados, e no que desde compañeiros/as de traballo, representantes sindicais da CIG ou até mesmo un fotógrafo, presente naquela mobilización, aportaron declaracións claras, nas que se aportaba a auténtica crónica do que aconteceu aquel dia: brutais cargas pola cidade e detencións arbitrarias, que finalmente concluiron neste xuízo. "Rematou o macroxuízo que tivo lugar estes dias contra os nosos 13 compañeiros, e o que queda claro é que non se aportou por parte da acusación ningunha proba máis alá de declaracións dos policias, que foron moi contraditorias. Agardamos a sentenza para dentro dun mes e estaremos á expectativa, porque non imos consentir que ningún dos 13 compañeiros sexa condenado, polo que esperamos a súa libre absolución", asi informaba Miguel Malvido, secretario nacional da CIG-Metal, ás portas do Xulgado aos delegados e delegadas da CIG-Metal presentes na terceira xornada do xuízo contra os 13 do metal, que foi tamén o terceiro dia de mobilización contra a represión policial e sindical.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario