|
Unhas 80 persoas, entre alcaldes, concelleiros e técnicos de normalización participan, en representación de 40 municipios, no II 'Encontro de Política Lingüística desde as Administracións Locais' que acollerá o Pazo de Mariñán, no concello coruñés de Bergondo. Trátase dunha reunión promovida pola área de normalización da Deputación da Coruña e organizada pola Coordinadora de Traballadores de Normalización Lingüística (CTNL).
A xornada foi presentada na sede da institución provincial polo presidente da CTNL, Nel Vidal, e polo responsable da área de Política Lingüística da deputación, Xoán Manuel Sande. Tras a inauguración, que tivo lugar ás 10,15 horas, interveñen os alcaldes de Cabana de Bergantiños e Monfero, así como a rexedora de Vilasantar para debater sobre a normalización nos concellos rurais con maioría galegoparlante. Ás 12.30 asiste o secretario xeral de Política Lingüística, Anxo Lorenzo, para falar da rede de dinamizacion lingüística da Xunta, analizando as posibilidades de desenvolvemento conxunto de accións entre o órgano provincial e os municipios. A partir das 16.30, o ex alcade de Santiago Xerardo Estévez e o ex conselleiro de Presidencia da Xunta Xosé Luis Barreiro Rivas analizarán o 25 aniversario da declaración de Alcaldes de Compostela de 1984. A xornada finalizará cun resumo humorístico do contido do encontro a cargo do actor e monologuista Carlos Blanco.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario