|
A CIG convoca unha folga o día 19 no sector do metal de Vigo ante o xuízo a 13 traballadores detidos |
|
|
|
|
jueves, 15 de octubre de 2009 |
 Protesta dos traballadores do metal A folga será desde as 09.00 horas ata as cinco horas laborais seguintes e nas catro primeiras horas da quenda de tarde. Os seguintes días--as vistas celébranse os días 19, 20 e 21-- piden a concentración dos delegados de todos os sectores. "A nosa resposta, o día do xuízo, debe ser de todos, sen abandonalos", reclamaron e engadiron que "non pasa pola nosa cabeza que estes compañeiros poidan ser castigados con prisión". Desde a CIG criticaron o "odio que manifesta a Policía contra os traballadores do sector", contra os que aseguraron emprega "unha sádica violencia". Así, lembraron que o 9 de maio de 2006, na folga pola negociación do convenio, rexistrouse unha carga do corpo armado pola que resultaron feridos 23 persoas, das que tres estiveron ingresados varios días no Hospital Xeral de Vigo. Ese mesmo día tamén foron detidos os 13 traballadores contra os que se celebra o xuízo agora. Para o sindicato, as actuacións da Policía teñen como obxectivo "sementar o pánico e o medo para desactivar a unidade e as respostas dos traballadores". Tamén acusárona de "multar indiscriminadamente para castigar a fráxil economía dos traballadores". Neste punto, aseguraron que a súa intención é non permitir que "ningún" traballador teña que pagar as sancións.
Trackback(0)
 |
TrackBack URI para este comentario
RSS feed comentarios
Mostrar/Ocultar formulario de comentario