O número de pasaxeiros aumentou un 3,1 por cento no aeroporto de Santiago e un 2,1 por cento no da Coruña, aínda que descendeu un 5,4 por cento no de Vigo en febreiro con respecto ao mesmo mes de 2009, segundo os datos da AENA (Aeroportos Españois e Navegación Aérea).
Respecto e agradecemento foron as palabras máis repetidas polos voceiros dos grupos parlamentarios, unha vez coñecida a noticia de que Emilio Pérez Touriño decidira abandonar o seu escano. O compañeiro e presidente do grupo socialista, Manuel Vázquez, asegurou en declaracións aos medios que o ex presidente "representa unha maneira de entender o país". Así, trasladoulle o "respecto, cariño e agradecemento polo traballo que leva feito por Galicia e polos socialistas".
O senador do BNG pos designación autonómica, Xosé Manuel Pérez Bouza, vai interpelar á vicepresidenta segunda e Ministra de Economía, Elena Salgado, sobre a necesidade de que o Goberno central suspenda a subida do IVA, prevista para o mes de xullo.
O secretario provincial do PSdeG na provincia da Coruña, Salvador Fernández Moreda, manifestou o "total rexeitamento" dos socialistas ante a decisión da Xunta de Galicia de suprimir o Servizo Galego de Igualdade, despois de 17 anos da súa creación.
A secretaria de Medio Ambiente do PSdeG, Carmen Gallego, esixiu á Conselleira de Medio Ambiente que aclare á cidadanía o seu plan para a xestión dos residuos, e que "rafitique ou desminta" a posible construción dunha central de incinerado no sur de Galicia.
