A concellaría de Servizos Sociais e Igualdade de Redondela, dirixida pola nacionalista Rosa Costas, informou que está aberto o prazo para inscribirse  no “Programa diúrno de balnearios”. Este programa vai dirixido a persoas maiores de 50 anos, pensionistas ou persoas con necesidades de respiro familiar.

A Consellaría de Medio Ambiente, Territorio e Infraestruturas publicou no Diario Oficial de Galicia a licitación da redacción do proxecto de trazado e construción do segundo treito da Vía de Alta Capacidad Tui - A Guarda, que une Tomiño e Goián. O Goberno galego inviste máis de 1,3 millóns de euros neste contrato. O obxectivo é que en 2013 estean terminados os dous tramos en obras e pór en servizo a totalidade da vía antes de que termine o 2015.

Caixanova e Caixa Galicia reuniranse o xoves cos representantes sindicais dos seus empregados para iniciar a toma de contacto, así como para establecer unha canle de encontro na que no futuro se negociaran as condicións laborais da fusión. Á reunión foron convocados os representantes de Caixanova e Caixa Galicia nos sindicatos CCOO, CSICA, CIG, UXT e CGT.